9 апрель куни Амир Темур таваллудига 683 йил тўлиши муносабати билан, 7 апрель куни Тошкент шаҳри кўчалари бўйлаб 25 километрлик автомарафон ўтказилади.
Шу боис 7 апрель куни соат 9:00 дан 12:00 га қадар Тошкентнинг айрим кўчаларида автотранспорт воситалари учун ҳаракат чекланади, дея хабар бермоқда Ўзбекистон Мудофаа вазирлиги.
Автомарафон соат 9:00 да Қуролли Кучлар академиясининг 1-назорат ўтиш жойи (собиқ Пушкин майдони)дан бошланиб, Кичик ҳалқа йўли орқали Бунёдкор ва ундан кейин Алишер Навоий шоҳкўчалари бўйлаб ўтади.
Тадбирда Қуролли Кучлар академияси ҳарбий хизматчилари шахсий автотранспорт воситаларида қатнашади. Тадбир доирасида ҳарбийлар Амир Темур образини гавдалантириб, ўша даврдаги аскарлар кийимларини кийишади.
Изоҳ (0)