25 январь, жума куни футбол бўйича Испания Кубогининг чорак финал босқичи доирасида сўнгги ўйинлар бўлиб ўтди.
Унда Мадриднинг «Реал» клуби ўз майдонида «Жирона» билан баҳсга киришди.
Учрашувнинг 7-дақиқасидаёқ «Жирона» клуби аъзоси Энтони Лосано ҳисобни очди (0:1). Орадан 11 дақиқа ўтиб, Лукас Васкес Альваро Одриосола узатган тўпни дарвозага жойлаб қўйди (1:1). 1-бўлимнинг сўнгги дақиқаларида Серхио Рамос пенальтидан рақиб дарвозасини аниқ нишонга олиб, гол урди (2:1).
2-бўлимнинг 66-дақиқасида «Жирона» ҳимоячиси 11 метрлик жарима зарбасидан унумли фойдаланди ва Тибо Куртуа дарвозасини ишғол қилди (2:2).
77-дақиқага келиб, мадридликлар сардори Серхио Рамос Марсело узатмасини голга айлантирди ва жамоасини ҳисобда олдинга олиб чиқди (3:2). Орадан 3 дақиқа ўтиб, Карим Бензема жамоасининг 4-голига муаллифлик қилди ва ўйинга якун ясади.
Шу тариқа «Қироллик клуби» «Жирона» клубини 4:2 ҳисобда мағлуб этди.
Испания Кубоги
1/4 финал баҳслари
25 январь, шанба
«Эспаньол»—«Бетис» 1:1
Голлар: 1:0 – 27 Иглесиас, 1:1 — 81 Санабриа.«Реал Мадрид»—«Жирона» 4:2
Голлар: 0:1 — 7 Лосано, 1:1 — 18 Васкес, 2:1 — 42, пенальти, Рамос, 2:2 — 66 Гранелл, 3:2 — 77 Рамос, 4:2 — 80 Бензема«Реал Мадрид»: Куртуа, Одриосола, Рамос, Фернандес, Марсело, Себальос (Иско, 70), Касемиро (Льоренте, 59), Модрич (Кроос, 63), Бензема, Жуниор, Васкес.
«Жирона»: Морено, Рамалё, Алкала Бернардо, 46), Алварес Техада, Мунеса, Гранеро, Гарсия Сеунг-Ҳо Паик, 59), Соареш, Гранелл, Лосано (Порту, 78), Думбия.
Огоҳлантиришар: Алкала (36), Фернандес (45), Рамос (62), Льоренте (66).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)