АПЛ. «Ливерпуль» «Арсенал»га 5 та гол урди, «Тоттенҳэм» эса ўз майдонида ютқазиб қўйди (видео)
29 декабрь, шанба куни футбол бўйича Англия премьер лигасининг 20-тури доирасида 6 та учрашув бўлиб ўтди.
«Тоттенҳэм» клуби ўз майдонида «Вулверҳэмптон» жамоасини қабул қилди ва йирик ҳисобда мағлубиятга учради.
Ўйиннинг 22-дақиқасида Ҳарри Кейннинг узоқдан йўллаган зарбаси олдида Руи Патрисиу ожиз қолди. 2-бўлимда ўйин сценарийси буткул ўзгарди. 72-дақиқада Уилли Боли ҳисобни тенглаштирди 1:1 кўринишига келтирди. 83-дақиқага келиб, Раул Ҳименес меҳмонларни ҳисобдан олдинга олиб чиқди. Орадан 4 дақиқа ўтиб Элдер Кошта «Тоттенҳэм» дарвозасига 3-тўпни киритди. Шу тариқа «Тоттенҳэм» сенсацион тарзда ютқазди.
АПЛда пешқадамлик қилаётган Юрген Клопп бошчилигидаги «Ливерпуль» жамоаси ўз майдонида Лондоннинг «Арсенал» клуби билан баҳс олиб борди.
Учрашувнинг 11-дақиқасида Лондон клуби аъзоси Мейтленд-Найлс «тўпчилар»ни ҳисобда олдинга олиб чиққан бўлса, 14- ва 16-дақиқаларда Роберто Фирмино 2 та гол уриб, дублга эришди. 31-дақиқага келиб, Садио Мане Муҳаммад Салоҳнинг узатмасини голга айлантирди. 1-бўлимнинг сўнгги сонияларида Салоҳ пенальтидан лондонликлар дарвозасига 4-голни урди ва жамоалар 4:1 ҳисобида танаффусга йўл олди.
2-бўлимнинг 65-дақиқасида ҳакам Майкл Оливер «Арсенал» дарвозасига 2-пенальтини белгилади ва уни Роберто Фирмино Бернд Лено қўриқлаётган дарвозага жойлаб қўйди ва ўйинга якуний нуқтани қўйди.
Юрген Клопп шогирдлари 20-турдан сўнг мусобақа жадвалида 54 очко жамғарган ҳолда 1-ўринда бормоқда.
АПЛ
20-тур баҳслари
29 декабрь, шанба
«Брайтон»—«Эвертон» 1:0
Гол: 1:0 – 59 Локадия.«Уотфорд»—«Ньюкасл» 1:1
Голлар: 0:1 – 29 Рондон, 1:1 – 82 Дукуре.«Фулҳэм»—«Ҳаддерсфилд» 1:0
Гол: 1:0 – 90 Митрович.«Лестер»—«Кардифф Сити» 0:1
Гол: 0:1 – 90 Камараса.«Тоттенҳэм»—«Вулверҳэмптон» 1:3
Голлар: 1:0 – 22 Кейн, 1:1 – 72 Боли, 1:2 – Ҳименес, 1:3 – 87 Кошта.«Ливерпуль»—«Арсенал» 5:1
Голлар: 0:1 – 11 Мейтланд-Найлс, 1:1 – 14 Фирмино, 2:1 – 16 Фирмино, 3:1 – 32 Мане, 4:1 – 45 Салоҳ (пенальти), 5:1 – Фирмино (пенальти).Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
