Норматив-ҳуқуқий ҳужжатлар лойиҳалари муҳокамаси порталида «Ўзбек цирк санъатини янада ривожлантириш ҳамда «Ўзбек давлат цирки» давлат муассасаси фаолиятини қўллаб-қувватлаш чора-тадбирлари тўғрисида»ги қарор лойиҳаси жойлаштирилди.
Ҳужжатда циркни бошқарув тизими йиллар давомида қониқарсиз ташкил этилганлиги, дастурлар ва томошаларнинг бадиий савияси кескин пасайиб кетганлиги натижасида охирги 20 йилда томошалар сони 1 052 тадан 200-250 тагача камайгани қайд этилган.
Шунингдек, цирк ходимларининг иш ҳақи миқдорлари пастлиги, моддий рағбатлантириш тизими йўқлиги сабабли кадрлар қўнимсизлиги ва мутахассисларнинг етишмаслиги, кейинги йилларда малакали тор соҳа мутахассисларнинг хорижий давлатлар циркларида ишлаш учун жўнаб кетиш ҳолатлари тез-тез учрамоқда.
Бундан ташқари, гастрол фаолиятини амалга ошириш тизими йўлга қўйилмаган. Цирк ҳайвонларини сақлашнинг антисанитария аҳволдалиги ва томошаларга тайёрлаш даражаси пастлиги, уларнинг соғлиғига ва кўпайтириш имкониятига салбий таъсир қилмоқда.
Ҳужжатда, Маданият вазирлиги 2019 йил 1 июнга қадар «Ўзбек давлат цирки»ни давлат-хусусий шериклик шартлари асосида ишончли бошқарувга бериш бўйича техник, молиявий ва бошқа шартларни пухта шакллантириши ҳамда Самарқанд, Фарғона ва Хива шаҳарларида давлат хусусий-шериклик шартлари асосида 500-700 ўринга мўлжалланган ярим стационар циркларни ташкил этиш тўғрисидаги таклифи маъқуллашиҳам мумкин.
Ҳужжат билан батафсил Норматив-ҳуқуқий ҳужжатлар лойиҳалари муҳокамаси порталида танишишингиз мумкин.
Изоҳ (0)