Россиянинг «АвтоВАЗ» компанияси Lada Xray Cross автомобилини учта комплектацияда таклиф қилади. Уларнинг нархи 729,9 минг рублдан (11068 доллар) бошланади. Бу ҳақда «РИА Новости» хабар берди.
Lada Xray Cross 122 от кучига эга 1,8 литр сиғимли двигатель билан жиҳозланади ва механик тезлик узатиш қутисига эга бўлади. Машина уч хил комплектацияда — Classic, Comfort ва Luxe ишлаб чиқарилади. Classic комплектациядаги автомобилнинг бошланғич нархи 729,9 минг рублдан бошланади.
Автомобиль иккита хавфсизлик ёстиқчаси, ҳимоя сигнализацияси, ERA-GLONASS фавқулодда огоҳлантириш тизими, орқа ғилдиракларнинг диск тормози, мустаҳкамлик назорати ва баландликка кўтарилишда ёрдамчи, ҳаракатланиш вақтида ишлайдиган LED ёритгичлар, енгил қорайтирилган ойна, олд ояналарни электр кўтаргичи, 17 дюймли дискалар билан жиҳозланади.
Янги автомобилнинг савдосини 2018 йилнинг охиригача бошлаш режалаштирилган.
Изоҳ (0)