Rossiyaning “AvtoVAZ” kompaniyasi Lada Xray Cross avtomobilini uchta komplektatsiyada taklif qiladi. Ularning narxi 729,9 ming rubldan (11068 dollar) boshlanadi. Bu haqda “RIA Novosti” xabar berdi.
Lada Xray Cross 122 ot kuchiga ega 1,8 litr sig‘imli dvigatel bilan jihozlanadi va mexanik tezlik uzatish qutisiga ega bo‘ladi. Mashina uch xil komplektatsiyada — Classic, Comfort va Luxe ishlab chiqariladi. Classic komplektatsiyadagi avtomobilning boshlang‘ich narxi 729,9 ming rubldan boshlanadi.
Avtomobil ikkita xavfsizlik yostiqchasi, himoya signalizatsiyasi, ERA-GLONASS favqulodda ogohlantirish tizimi, orqa g‘ildiraklarning disk tormozi, mustahkamlik nazorati va balandlikka ko‘tarilishda yordamchi, harakatlanish vaqtida ishlaydigan LED yoritgichlar, yengil qoraytirilgan oyna, old oyanalarni elektr ko‘targichi, 17 dyuymli diskalar bilan jihozlanadi.
Yangi avtomobilning savdosini 2018-yilning oxirigacha boshlash rejalashtirilgan.
Izoh (0)