Германиялик астронавт Александер Герст Халқаро космик станциядан марказий Европа, хусусан Германияни суратга олиб, минтақани қамраб олган қурғоқчилик кўламини кўрсатмоқчи бўлди, деб ёзади «ТАСС». Суратларни у Twitter’да эълон қилди.
400 км баландликдан Европа қуриб қолган ер кўринишидаги «ҳайратланарли манзара»дан иборат, деди астронавт. «Яшил бўлиши керак бўлган нарса энди жигарранг. Бунақасини ҳеч қачон кўрмаганман», — деб ёзди у. Герст деярли бутунлай жигарранг тусга кирган Португалия суратини алоҳида эълон қилди. «Чанг, тутун ва қум аралашмаси каби кўринади», — дея изоҳлади у.
Европа мамлакатлари аномал жазирама билан шу йилнинг июли ва августида тўқнаш келди. 2018 йилнинг жазирама ёзи натижасида Германияда сўнгги 100 йилдаги энг ёмон ҳосилдорлик кузатилиши кутилмоқда. Бундан ташқари, қурғоқчилик мамлакатдаги йирик дарёларнинг саёзланишига олиб келди.
Just had a chance to take my first photos of dried-out Central Europe and Germany since a few weeks, and was shocked. What should have been green, is now all brown. Never seen it like this before. #Horizons pic.twitter.com/o2XoddPdrM
— Alexander Gerst (@Astro_Alex) August 6, 2018
Изоҳ (0)