Germaniyalik astronavt Aleksander Gerst Xalqaro kosmik stansiyadan markaziy Yevropa, xususan Germaniyani suratga olib, mintaqani qamrab olgan qurg‘oqchilik ko‘lamini ko‘rsatmoqchi bo‘ldi, deb yozadi “TASS”. Suratlarni u Twitter’da e’lon qildi.
400 km balandlikdan Yevropa qurib qolgan yer ko‘rinishidagi “hayratlanarli manzara”dan iborat, dedi astronavt. “Yashil bo‘lishi kerak bo‘lgan narsa endi jigarrang. Bunaqasini hech qachon ko‘rmaganman”, — deb yozdi u. Gerst deyarli butunlay jigarrang tusga kirgan Portugaliya suratini alohida e’lon qildi. “Chang, tutun va qum aralashmasi kabi ko‘rinadi”, — deya izohladi u.
Yevropa mamlakatlari anomal jazirama bilan shu yilning iyuli va avgustida to‘qnash keldi. 2018-yilning jazirama yozi natijasida Germaniyada so‘nggi 100 yildagi eng yomon hosildorlik kuzatilishi kutilmoqda. Bundan tashqari, qurg‘oqchilik mamlakatdagi yirik daryolarning sayozlanishiga olib keldi.
Just had a chance to take my first photos of dried-out Central Europe and Germany since a few weeks, and was shocked. What should have been green, is now all brown. Never seen it like this before. #Horizons pic.twitter.com/o2XoddPdrM
— Alexander Gerst (@Astro_Alex) August 6, 2018
Izoh (0)