Дунёнинг энг хавфсиз 10 та авиакомпанияси (фотогалерея)

Парвоздан қўрқиш замонавий дунёда энг кўп тарқалган ҳодисалардан биридир. Бунинг асосий сабаби эса авиаҳалокатга учраб қолишдан қўриқиш ҳисобланади. AdMe эса дунёнинг энг хавфсиз авиакомпаниялари рейтингини тузиб тақдим этди.

1. Virgin Australia, Австралия

Virgin Australia компаниясига 1999 йилда асос солинган. Шундан бошлаб, унинг самолётлари билан боғлиқ бирорта ҳам нохуш ҳодиса юз бермаган.

2. Emirates, БАА

37 йиллик тарихида Emirates компанияси самолётлари бирор марта ҳам авиаҳалокатга учрамаган. Яқин Шарқда энг йирик авиакомпаниялардан бири бўлиб, ҳафтасига 2500 рейсни амалга оширади.

3. Virgin Atlantic Airways, Буюк Британия

Virgin Atlantic Airways’га 1984 йилда асос солинган. Компания самолётлари билан нохуш ҳолатлар содир бўлган бўлса, улар ҳам бирор марта инсон ўлими билан якунланмаган.

4. KLM, Нидерландия

KLM’га 1919 йилда асос солинган бўлиб, дунёдаги энг «кекса» авиакомпаниялардан биридир. Компания самолёти билан сўнгги бор 1977 йилда авиаҳалокат содир бўлган.

5. Easy Jet, Буюк Британия

Easy Jet 1995 йилда ташкил топган. Ҳар йили унинг хизматларидан 50 миллиондан ортиқ одам фойдаланади. Лоукостерлар орасида Ryan Air’дан сўнг иккинчи ўринда туради. Компания самолётлари бирор марта ҳам авиаҳалокатга учрамаган.

6. Finnair, Финландия

Finnair ташкил топганига 50 йилдан ошганига қарамай, унинг самолётлари билан бирор марта ҳам авиаҳалокатга содир бўлмаган. Унинг хизматларидан йилига 10 миллиондан ортиқ инсон фойдаланади.

7. Etihad Airways, БАА

Etihad Airways’га Абу-Дабида 2003 йилда асос солинган. Компания тарихидаги ягона нохуш ҳодиса 2007 йилда содир бўлган, у ҳам қурбонларсиз якун топган.

8. Spirit Airlines, АҚШ

Spirit Airlines — оддий лоукостер эмас, у йўловчиларни энг арзон ташувчи авиакомпаниялардан биридир.

9. Lufthansa, Германия

Lufthansa ташкил топганига деярли 59 йил бўлди. Европадаги энг яхши авиакомпаниялардан бири. Компания самолётлари билан сўнгги бор 1993 йилда нохуш ҳодиса рўй берган.

10. Hawaiian Airlines, Гавайи

Мазкур компанияга 1929 йилда асос солинган. АҚШдаги энг яхшиларидан бири. Унинг самолётлари билан бирор марта авиаҳалокатга учрамаган.