Мгинго ороли Африкадаги Виктория кўлида жойлашган. Унинг майдони 1,8 минг квадрат метр атрофида бўлиб, оролдаги кулбаларда 131 киши истиқомат қилади. Бу ерлик кишилар ўзлари учун «сенат республикаси»ни ташкил қилиб олган ва улар балиқчилик эвазига кун кўрад. Аҳоли ўз жамиятларига бегоналарнинг қўшилишига йўл қўймайди. Орол Кения ва Уганда ўртасидаги баҳсли ҳудуд сифатида қайд этилган.
Қайд этиш жоиз, орол фақат 1991 йилга келиб ўз аҳолисига эга бўлган. Ўшанда кениялик икки балиқчи — Дальмас Тембо ва Дорж Кибебе оролда қолиб яшашни мақсад қилади. Оролга келишдан аввал эса улар Виктория кўли атрофидаги ёвуз руҳларни ҳайдаш учун кекса афсунгарга 300 кг балиқ беришга мажбур бўлган. «БигПикча» Мгинго ороли ҳақидаги маълумотларни тақдим қилди.
1. Шундан сўнг икки ботир балиқчига Кения, Уганда ва Танзаниядан яна 60 африкалик келиб қўшилган. Мгингога кўчиб ўтишдан асосий мақсад фақат яхши ов қилиш имконияти эмас, балки тенгсизлик ва жоҳиллик бўлмаган шахсий «давлат»ни барпо этиш ҳам иборат бўлган. 2009 йилга келиб, орол аҳолиси 131 кишига етади. Шундан сўнг «нуфузли сенаторлар» — Тембо ва Кибебе ўз коммуналарига бошқа ҳеч кимни қабул қилмаслик борасида қарорни қабул қилади.
2. Мгингода асосий овланувчи балиқ — Нил олабуғасидир. Оролда бир оила ўртача бир ҳафта ичида 200—250 доллар ишлаши топиши мумкин. Бу эса қўшни мамлакатлардаги африкаликларнинг 2-3 ойлик ўртача маошига тенг.
3. Мгинго «давлатча»сининг мустақиллигини сақлаб қолишга оролнинг Кения ва Уганда ўртасидаги баҳсли ҳудуд сифатида қолаётгани имконият яратмоқда. Ҳар икки давлат ҳам оролни ўз таркибига қўшиб ололгани йўқ, шу сабабдан ҳам улар бу ердаги балиқчилар ҳаётига аралашишга кўз юмиб келмоқда.
4. Сўнгги 20 йил ичида икки мамлакат Мгинго туфайли 9 бора қуролли тўқнашувга борган. Аввалига Кения ва Уганда қирғоқ муҳофазаси ходимлари балиқчиларнинг қайиқларини синдириб ташлаган. Ҳаттоки уларнинг тўрларини узиб, олти кишини отиб ҳам ташлаган. Аммо кейин икки мамлакат келишувга эришган. Натижада коммуна уларга солиқ тўлайдиган бўлиб қолган.
5. Кения ва Угандага тўланадиган солиқлар балиқчилар даромадининг 25 фоизини ташкил этади. Шунингдек, ян 10 фоиз даромад аппарат ва коммуна мудофаа кучларига сарфланади, яъни орол аҳолиси ўз озодлиги учун ишлаб топган пулининг 60 фоизини «давлат»ларга тўлашига тўғри келади. Лекин қоладиган 40 фоиз даромаднинг ўзи ҳам уларга Виктория кўлидаги бошқа қўшниларидан етарлича яхши яшашга имконият беради.
6. Оролда 5 та бар, гўзаллик салони, дорихона, шунингдек, бир неча меҳмонхона ва 4 та кўнгилочар уй мавжуд. Эркаклар бу ерда балиқ овлаш, уларнинг аёллари ва қариндошлари эса қоматларига эътибор бериш билан машғул бўлади. Бу ерда бегона одам коммуна қоидаларига кўра бир кундан кўп қола олмайди.
7. Коммунани умрбод икки «нуфузли сенатор» Тембо ва Кибебе бошқаради, булардан ташқари, яна 5 нафар сенатор (фақат 30 ёшдан ошган эркаклар) танлаб олинади. Қарорлар «кучли еттилик» орқали кўпчилик билан қабул қилинади.
8. Мгингодаги энг олий жазо ундан ҳайдалиш ҳисобланади, хашак қамчиларда савалаш эса энг оддий жазодир. «Давлат» пайдо бўлган вақтдан бошлаб оролдан 6 киши қувғин бўлган. Уларнинг қувилишига сабаб эса — ўғирлик.
9. Мгингодан 200 метр нарида яна бир орол — Усинго ҳам бор. У ерда аҳоли йўқ. Коммуна аҳолиси Усингода Тук исмли ёвуз руҳ яшайди деган фикрда. Уларнинг қараши кўра Мгингодан қувилган ёвуз руҳ — Калеле ҳам Усингодан қўним топган. Усинго ҳам Кения ва Уганда ўртасидаги баҳсли ҳудуд ҳисобланади.
Изоҳ (0)