7 июль санасида футбол бўйича Россияда бўлиб ўтаётган Жаҳон Чемпионатининг 1/4 финал баҳслари якунига етди.
Куннинг дастлабки ўйинида Англия терма жамоаси Жесси Лингард ҳамда Деле Аллининг голлари сабаб Швецияни мағлуб этиб, ярим финал йўлланмасига эга чиқди.
Чорак финалнинг сўнгги ўйини 1/8 финалда Испания ҳамда Данияни таслим эта олган Россия ва Хорватия терма жамоалари ўртасида бўлиб ўтди. Учрашувда ҳисоб 31-дақиқада Денис Черишев томонидан очилди. Черишев жарима майдончасига кирмасдан кучли зарба бериб, Субашич қўриқлаётган дарвозани ишғол қилди. 39-дақиқага келиб эса Марио Манжукичнинг узатмасини Андрей Крамарич боши билан Акинфеев дарвозасига жойлаб қўйди. Иккинчи бўлим голсиз якунланди.
Биринчи қўшимча бўлимда Видa боши билан гол уриб, ҳисобни 2:1 кўринишига келтирди. Қўшимча бўлимларнинг иккинчисида эса Марио Фернандес ҳисобни тенглаштирди.
Пенальтилар сериясида эса 4:3 ҳисобида Хорватия устун келди ва ярим финалда Англия билан ўйнайдиган бўлди.
«Дарё» сўровномаси қуйидагича кўриниш олди.
Жаҳон Чемпионати
1/4 финал беллашувлари
7 июль, шанба
Россия—Хорватия 2:2 (пенальтилар бўйича 3:4)
Голлар: 1:0—31 Черишев, 1:1 39 Крамарич, 1:2—101 Видa, 2:2—115 Фернандес.Россия: Акинфеев, Кутепов, Кудряшов, Фернандес, Игнашевич, Кузяев, Зобнин, Головин (Дзагоев, 102), Самедов (Ерохин, 54), Черишев (Смолов, 67), Дзюба (Газинский, 79).
Хорватия: Субашич, Ловрен, Стринич (Пиварич, 74), Врсалько (Чорлука, 97), Вида, Перишич (Брозович, 63), Ракитич, Модрич, Ребич, Крамарич (Ковачич, 88), Манджукич.
Огоҳлантиришлар: Ловрен (35), Стринич (38), Видa (102), Газинский (109), Пиварич (114).
Изоҳ (0)