Ўзбекистон мусулмонлари идораси сайтида коинотга парвоз қилган мусулмон фазогирлар ҳақида маълумот эълон қилинди. Таъкидланишича, уларнинг жами сони ўн кишидан иборат.
1.Саудия шаҳзодаси Султон ибн Салмон. У 1985 йилда «Дискавери» космик кемасида коинотга парвоз қилган.
2. 1987 йилнинг июлида коинотга Форис Муҳаммад Аҳмад парвоз қилди. У «Союз ТМ-3» космик кемаси ва «Мир» орбитал илмий-тадқиқот комплексида космонавт-тадқиқотчи сифатида фаолият олиб борган. У суриялик илк космонавтдир.
3. Келиб чиқиши доғистонлик бўлган Мусо Хираманович Манаров 1987 йилнинг 21 декабридан 1988 йилнинг 21 декабригача борт муҳандиси сифатида фазога парвозни амалга оширди. У «Союз ТМ-4» космик кемасида парвоз қилиб, «Мир» орбитал комплексида бир йил фаолият олиб борди.
4. 1988 йилда коинотга «Союз ТМ-6» космик кемасида космонавт-тадқиқотчи сифатида Моманд Абдул Аҳад парвоз қилди. У Афғонистон Республикасининг биринчи космонавтидир.
5. 1991 йилда коинотга Абубакиров Тўхтар Онгарбаевич парвоз қилди. У қозоқ миллатига мансуб илк космонавтдир.
6. 1994 йилда Мусабаев Талъат Омонкелдиевич коинотга парвоз қилди.
7. Шарипов Солижон Шокирович 1998 йилда коинотга парвозни амалга оширди. Ўзбек миллатига мансуб илк космонавт бўлиб, Ўш вилоятининг Ўзган шаҳрида туғилган.
8. Ансари Ануше 2006 йилда коинотга парвоз қилди. Келиб чиқиши эронлик.
9. Шайх Музаффар Шукор малайзиялик космонавт бўлиб, 2007 йилнинг 10 октябрида ХКСда фаолият олиб борган 13-экспедиция аъзоси бўлган. Унинг парвози муборак Рамазон ойига тўғри келди.
10. Айдин Аканович Аимбетов қозоғистонлик космонавт бўлиб, 2015 йилда «Союз ТМА-18М» космик кемасида ХКСга парвоз қилган.
Изоҳ (0)