Бугун,

  • USD 10940.05
  • RUB 182.26
  • EUR 11121.65
19 май куни дунёдаги бўйдоқ шаҳзодалар сони биттага камайди: Британия шаҳзодаси Гарри америкалик актриса Меган Марклга уйланди. AdMe ҳали уйланмаган шаҳзодаларнинг қолганлари билан таништирди.

Артур Чатто

Фото: AdMe

Фото: AdMe
Бу йигитча қачонлардир қариндоши шаҳзода Уильямнинг тўйида Кейт Миддлтоннинг кўйлаги этагини кўтариб юрган. Ҳозир малика Маргаретнинг невараси Артур Чатто 18 ёшда, ва у Британия тахти меросхўрлари ичида уйланмаган ягонасидир, аммо навбатда бор-йўғи 23-ўринда.

Ҳамдам ибн Муҳаммад Ал Мактум

Фото: AdMe

Фото: AdMe

Дубай ҳукмрон сулоласи аъзоси, 35 ёшли Ҳамдан бин Муҳаммад бин Рашид ал Мактум шу пайтгача уйланмаган, у оилавий қадриятлардан ўз қизиқишларини устун қўяди. Унинг хоббилари ҳақида Instagram’даги қарийб 6 миллион киши кузатиб борадиган аккаунти орқали хабардор бўлиш мумкин.

У Сандхерстдаги қироллик ҳарбий академиясида таълим олган, шунингдек, Лондон иқтисодиёт ва сиёсий фанлар мактабини битирган. Шаҳзода NH Capital LLP хеж-фонди раҳбари, унинг номи билан аталган янги университет президенти, Ёш тадбиркорларни қўллаб-қувватлаш лигаси раҳбари, Дубай амирлиги спорт қўмитаси раҳбари ва бошқа лавозимларда ҳам ишлайди.

Абдул Матин

Фото: AdMe

Фото: AdMe
Бруней шаҳзодаси 26 ёшда бўлиб, тахтга навбат бўйича 4-ўринда. У Буюк Британияда ўқиган, санъат соҳасида магистр даражасига эга. Инглиз, француз, итальян ва араб тилларини билади, поло ўйнайди.

Ҳусайн бин ал Абдулла

Фото: AdMe

Фото: AdMe
23 ёшли шаҳзода вояга етганидан кейин регент ролини бажариб, халқаро тадбирларда отасига ҳамроҳлик қилишни бошлаган. 21 ёшида БМТ Хавфсизлик кенгаши мажлисида қатнашган, бир неча ой аввал эса БМТ Бош Асамблеясида нутқ сўзлади.

Дания шаҳзодаси Николай

Фото: AdMe

Фото: AdMe
Дания шаҳзодаси меросхўр бўлиш билан бирга, моделлик ҳам қилади. У 18 ёшда ва Дания тахтига навбатда 7-ўринда туради.

Люксембург шаҳзодаси Себастьян

Фото: AdMe

Фото: AdMe
Люксембургнинг ҳукмрон герсоги Анри ва Мария-Тереза Местренинг ўғли 26 ёшли Себастьян меросхўрлар рўйхатида бешинчи. У Ангельсберг мактабида, Авлиё Георгий халқаро мактабида, Оксфорддаги Summer Fields School’да ва Амплфорт коллежида ўқиган. Сўнг Люксембургдаги халқаро мактаб ва Сандхерст ҳарбий академиясини битирган. Айни пайтда АҚШдаги етакчи университетлардан бирида маркетинг ва коммуникацияларни ўрганмоқда.

Константин-Алексиос

Фото: AdMe

Фото: AdMe

19 ёшли йигитча Греция тахтига ўтирмаса ҳам (Греция 1974 йилда республикага айланган), унда шаҳзода деган ном бор. У айни пайтда Вашингтондаги Жоржтаун университетида ҳуқуқшуносликка ўқимоқда.

Изоҳ
Асосий янгиликлар