Дунёдаги бўйдоқ шаҳзодалар сони биттага камайди. Уларнинг қолган 7 нафари билан танишинг (фото)

19 май куни дунёдаги бўйдоқ шаҳзодалар сони биттага камайди: Британия шаҳзодаси Гарри америкалик актриса Меган Марклга уйланди. AdMe ҳали уйланмаган шаҳзодаларнинг қолганлари билан таништирди.

Артур Чатто

Бу йигитча қачонлардир қариндоши шаҳзода Уильямнинг тўйида Кейт Миддлтоннинг кўйлаги этагини кўтариб юрган. Ҳозир малика Маргаретнинг невараси Артур Чатто 18 ёшда, ва у Британия тахти меросхўрлари ичида уйланмаган ягонасидир, аммо навбатда бор-йўғи 23-ўринда.

Ҳамдам ибн Муҳаммад Ал Мактум

Дубай ҳукмрон сулоласи аъзоси, 35 ёшли Ҳамдан бин Муҳаммад бин Рашид ал Мактум шу пайтгача уйланмаган, у оилавий қадриятлардан ўз қизиқишларини устун қўяди. Унинг хоббилари ҳақида Instagram’даги қарийб 6 миллион киши кузатиб борадиган аккаунти орқали хабардор бўлиш мумкин.

У Сандхерстдаги қироллик ҳарбий академиясида таълим олган, шунингдек, Лондон иқтисодиёт ва сиёсий фанлар мактабини битирган. Шаҳзода NH Capital LLP хеж-фонди раҳбари, унинг номи билан аталган янги университет президенти, Ёш тадбиркорларни қўллаб-қувватлаш лигаси раҳбари, Дубай амирлиги спорт қўмитаси раҳбари ва бошқа лавозимларда ҳам ишлайди.

Абдул Матин

Бруней шаҳзодаси 26 ёшда бўлиб, тахтга навбат бўйича 4-ўринда. У Буюк Британияда ўқиган, санъат соҳасида магистр даражасига эга. Инглиз, француз, итальян ва араб тилларини билади, поло ўйнайди.

Ҳусайн бин ал Абдулла

23 ёшли шаҳзода вояга етганидан кейин регент ролини бажариб, халқаро тадбирларда отасига ҳамроҳлик қилишни бошлаган. 21 ёшида БМТ Хавфсизлик кенгаши мажлисида қатнашган, бир неча ой аввал эса БМТ Бош Асамблеясида нутқ сўзлади.

Дания шаҳзодаси Николай

Дания шаҳзодаси меросхўр бўлиш билан бирга, моделлик ҳам қилади. У 18 ёшда ва Дания тахтига навбатда 7-ўринда туради.

Люксембург шаҳзодаси Себастьян

Люксембургнинг ҳукмрон герсоги Анри ва Мария-Тереза Местренинг ўғли 26 ёшли Себастьян меросхўрлар рўйхатида бешинчи. У Ангельсберг мактабида, Авлиё Георгий халқаро мактабида, Оксфорддаги Summer Fields School’да ва Амплфорт коллежида ўқиган. Сўнг Люксембургдаги халқаро мактаб ва Сандхерст ҳарбий академиясини битирган. Айни пайтда АҚШдаги етакчи университетлардан бирида маркетинг ва коммуникацияларни ўрганмоқда.

Константин-Алексиос

19 ёшли йигитча Греция тахтига ўтирмаса ҳам (Греция 1974 йилда республикага айланган), унда шаҳзода деган ном бор. У айни пайтда Вашингтондаги Жоржтаун университетида ҳуқуқшуносликка ўқимоқда.