Интернет тармоқларида Xiaomi компаниясининг келгусида ишлаб чиқариши кутилаётган Mi 7 флагман моделининг сурати пайдо бўлди, деб хабар беради «Корреспондент.net».
Суратга кўра, гаджетнинг юқори қисми худди iPhone X’ники каби қирқимга эга бўлади. Шунингдек, тахминларга кўра, бармоқ изи сканери орқа панелга эмас, экраннинг ичига жойлаштирилиши мумкин.
Яқин орада тақдим этилиши кутилаётган смартфон Face Unlock функцияси билан ҳам жиҳозланиши мумкин. Симсиз қувватлантириш функцияси ҳақида эса ҳозирча тасдиқланган маълумотлар мавжуд эмас.