Бугун,

  • USD 11095.31
  • RUB 173.84
  • EUR 10772.44

Тиббиёт муассасаларида беморларга шошилинч тиббий ёрдам кўрсатиш жараёнида ходимларнинг кундалик иш вақти белгиланган меъёрдан ортиқ ишда қолишига сабаб бўлади. Оқибатда йил давомида ортиқча ишлаган вақти 120 соатдан ошиб кетиши натижасида ортиқча вақт учун тўланган иш ҳақи ноқонуний деб топилиб, қайтариб олинаётгани соҳа мутахассисларининг норозилигини келтириб чиқармоқда, деб хабар берди «Telegraf.uz».

Фото: «Газета.uz»

Фото: «Газета.uz»

Олис ҳудудларида жойлашган тиббиёт муассасаларида зарарли меҳнат омиллари шароитида ишловчи ҳамда тор ихтисосли врач-мутахассислар етишмовчилиги туфайли айрим мутахассислар уларнинг розилиги билан қўшимча ишларга жалб этилади. Бунга молия бўлимлари томонидан тузилган далолатномаларда кўрсатилган «ортиқча иш ҳақи» жумлалари сабаб бўлиб, кўп ҳолатларда иш берувчи томонидан ходимга ҳақиқатда ишлаган вақти учун тўланган иш ҳақи қайтариб ундирилиши ҳолатлари ҳам учрамоқда.

Бу каби муаммолар сабаб, 2016 йил мобайнида ишдан бўшаб кетганлар 10 минг 782 нафарни (14,8 фоиз) ташкил этган. Бунда вакант иш ўрни 11 минг 859 бирликни (12,8 фоиз) ташкил қилиб, ҳар 10 минг аҳолига 22,4 нафар шифокор тўғри келган. Яъни вакант иш ўринлари салмоғи сўнгги беш йилда 1,66 маротаба кўпайган, шифокорларга бўлган эҳтиёж эса ошган.

Мазкур маълумотлар Соғлиқни сақлаш вазирлигида Ўзбекистон Республикаси Олий Мажлиси Сенатининг Фан, таълим, маданият ва спорт масалалари қўмитаси томонидан «Тиббиёт ходимларини ижтимоий ва ҳуқуқий муҳофаза қилишнинг долзарб масалалари: амалиёт ва халқаро тажриба» мавзусида ташкил этилган давра суҳбатида айтиб ўтилган.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди