TravelAsk мамлакатдаги нотинчлик, хавфсизлик даражасининг пастлиги ва шу каби бошқа омиллар сабаб туристлар эътиборидан доимо четда қолиб кетаётган табиати гўзал мамлакатлар ҳақида маълумот тўплаб тақдим этди.
Сомали
Сомалидаги қароқчилар сабаб турислар ушбу масканга ташриф буюришни унчалик ҳам хоҳлашмайди. Шунингдек, мамлакатда содир бўлган давлат тўнтарилиши ҳам туризмнинг фойдасига эмас. Аммо айтиш керакки, Могадишо атрофлари ҳозирда анча тинчланиб қолган.
Тувалу
Тувалунинг ўзига хос жиҳати — Полинезиянинг саккизта оролдан ташкил топганлиги. Бу ердаги ажойиб сувлар ва ҳаётнинг бир маромдалиги сайёҳларни ўзига жалб этиши мумкин.
Маршалл ороллари
Маршалл оролларининг мусаффо сувлари минглаб турдаги балиқларга бошпана бўлиб хизмат қилади. Бундан ташқари бу ерда рифларнинг 200 дан ортиқ турини учратиш мумкин.
Сан-Томе ва Принсипи
Республика ажойиботларга бой иккита архипелагдан ташкил топган бўлиб, у ерда қалин ўрмонлар ва ҳавас қилса арзигулик пляжлар, ҳатто фаол вулқонлар ҳам жойлашган.
Кирибати
Кирибатига ташриф буюрган инсон ҳечам афсусланмайди. Ушбу мамлакат дунёда Янги йил байрамини энг биринчи нишонлайди. Табиат манзараларидан завқ олишни истаган сайёҳлар учун Кирибати айни муддао.
Жанубий Судан
Мазкур мамлакат дунё харитасида 2011 йилга келибгина пайдо бўлди. Бироқ ҳозирда ҳам мамлакат ва Судан чегарасидаги вазият кескинлигича қолмоқда. Шунга қарамай Жанубий Судан ҳукумати ҳар қандай йўл билан бўлса-да сайёҳларни мамлакатга жалб қилишга интилмоқда.
Ливия
Ливияда вазият ҳамон кескин чигал. Унинг ҳудуди турли қуролли гуруҳлар томонидан бўлиб олинган, шу сабабли ҳозирда у ерга бориш мумкин эмас. Шунга қарамай Ливия ўзининг тарихий обидалари ва такрорланмас архитектураси билан барчани ҳайрон қолдиришда давом этмоқда.
Гвинея-Бисау
Ғарбий Африка қирғоғида жойлашган собиқ Португалия колониясида Европа маданиятини ўзида сақлаб қолган. Аммо маҳаллий аҳоли ўзининг қадимий урф-одатларини ҳам унутиб юбормаган. Тропик мамлакат ўзининг ороллари ва мангра ўрмонлари билан мақтана олади.
Науру
Науру дунёдаги энг кичкина орол мамлакатлардан бири ҳисобланади. Оқ қум барханларига бурканган ажойиб пляжлар ҳеч кимни бефарқ қолдирмайди.
Изоҳ (0)