1–3 апрель кунлари «Ломоносов – 2018» форуми доирасида М. Ломоносов номидаги Москва давлат университетининг Тошкент шаҳридаги филиалида математика ва информатика бўйича фестиваль бўлиб ўтади. Бу ҳақда ЎзА хабар бермоқда.
Анъанавий фестиваль истеъдодли ёшларни аниқлаш ва саралашга йўналтирилган бўлиб, унда қатнашиш бепулдир. Бунинг учун жорий йилнинг 30 мартигача ариза топшириш лозим.
Фестивальда мамлакатдаги умумтаълим мактабларининг 9 ва 10-синфлари, касб-ҳунар коллежлари ва академик лицейлар ўқувчилари иштирок этиши мумкин. Бунда иштирокчиларга битта ёки бир вақтнинг ўзида иккита фан бўйича қатнашиш имкони берилади. Иштирокчилар уч кун давомида математика ва информатикага оид масалаларни ечади.
Фестиваль ғолиблари медаллар ва фахрий дипломлар билан тақдирланади.
Изоҳ (0)