Ўзбекистоннинг барча вилоятлардаги педагогика олий ўқув юртларида мактабгача таълим бўйича бепул қайта тайёрлаш курслари ўз фаолиятини бошлади. Бу ҳақда «Дарё»га Мактабгача таълим вазирлиги вакиллари маълум қилди.
22 февраль куни Низомий номидаги Тошкент давлат педагогика университетида мактабгача таълим муассасаларини юқори малакали дефектолог (логопед), амалий психология ва мактабгача таълим муассасаси тарбиячиси қайта тайёрлов курсларига қабул қилинган тингловичлар учун ўқув машғулотлари бошланди.
Таъкидлаш лозимки, университетда ўқув машғулотлари замонавий педагогик, мультимедиа ва ахборот-коммуникация технологиялари ҳамда илғор хорижий тажрибалардан кенг фойдаланган ҳолда ташкил этилиб, барча аудиториялар замоновий онлайн маърузалар ускуналари билан таъминланган.
Маълумот ўрнида айтиш лозимки, мазкур қайта тайёрлов курсига Тошкент шаҳар Мактабгача таълим бош бошқармаси томонидан 816 нафар олий маълумотли талабгорлар жалб этилди.
Шунингдек, республиканинг барча вилоятлардаги университет ва педагогика институтлари базасида боғчаларнинг педагог ва номутахассис кадрлари учун бепул қайта тайёрлаш курслари минглаб тингловчиларни қабул қилди.
Изоҳ (0)