Эрон президенти Абдулазиз Комилов бошчилигидаги Ўзбекистон делегациясини қабул қилди

Эрон президенти Ҳасан Руҳоний  Теҳронда Ташқи ишлар вазири Абдулазиз Комилов бошчилигидаги Ўзбекистон делегациясини қабул қилди. Бу ҳақда вазирлик матбуот хизмати маълум қилди.

Вазир Эрон раҳбарига қабул учун миннатдорлик билдирди ва Ўзбекистон Президенти Шавкат Мирзиёевнинг Ҳасан Руҳоний ва Эрон халқига самимий тилакларини етказди.

Учрашув давомида ўзаро муносабатларнинг ривожланиш истиқболлари, икки давлат раҳбарларининг 2017 йил сентябрда Остонадаги учрашувида эришилган келишувларни амалга оширилиши муҳокама қилинди.

Минтақавий муаммолар, жумладан, Афғонистондаги вазият кўриб чиқилди. Эрон президенти Ўзбекистоннинг Афғонистон бўйича халқаро конференция ўтказиш ташаббусини қўллаб-қувватлади.

Учрашувда икки томон манфаати учун хизмат қиладиган сиёсий ва иқтисодий масалалар ҳам муҳокама этилди.