Гавда бузилишининг деярли ҳаммаси кам ҳаракат яшаш тарзи оқибатида юзага келади. Вақт ўтиши билан умуртқа қийшайиб кетади ва аввалги хушбичим қоматни қайта тиклаш жуда қийин бўлади.
Қуйидаги ишончли 7 усулни синаб кўринг — оддий машқларни ҳар куни бажаринг ва бир-икки ҳафтадан кейин биринчи натижалар пайдо бўла бошлайди.
Тескари саломлашиш
Тайёр бўлинг, биринчи мартадаёқ муваффақиятга эриша олмаслигингиз мумкин. Қўлларингизни орқага қайиринг ва кафтларингизни бирлаштиришга ҳаракат қилинг. Қўллар чизиғини тўғри сақланг, бу муҳим. Шундай ҳолатда 10 сониягача ушлаб туринг.Орқадаги қулф
Бу машқни сиз балки болаликда қилган бўлишингиз мумкин. Чап қўлингизни юқоридан орқага қайиринг, ўнгини эса тирсакдан букиб, пастдан орқага ўтказинг. Бармоқларингизни бирлаштириб маҳкам қулф ҳосил қилинг, 5 сониядан кейин қўлларни алмаштиринг.Стул устида бурилиш
Стулга суянмасдан тўғри ўтиринг. Қўлларни бошнинг орқасига қўйинг. Танангизни елкалар стул суянчиғига кўндаланг ҳолатда турадиган қилиб буранг. Бироз тўхтанг ва тескари томонга бурилинг. 10-12 марта такрорланг.Девор ёнида тик туриш
Гавда учун энг оддий ва энг самарали машқлардан бири. Уни айниқса эрталаб ва кечқурунлари бажариш жуда фойдали. Девор ёнига шундай жипс турингки, унга кураклар, думбалар ва болдирлар тегиб турсин. Нафасни ушлаб турманг. 30 сониядан бошланг ва бир-икки дақиқагача туришга ҳаракат қилинг.Динамик планка
Йогада бу ҳолат «кумбакасана виняса» дейилади, фитнес-тренерлар эса уни оддийроқ қилиб — динамик планка дейди. Бу машқ умуртқани чўзишга мўлжалланган. Планкада туринг, кейин эса аста-секинлик билан тосни юқорига кўтаринг. Қорин мушаклари ҳар доим таранг, орқанинг пастки қисми тўғри ҳолатда бўлади.Қорин мушаклари учун машқ
Гавданинг тўғрилигини нафақат орқа мушаклар, балки қорин мушаклари ҳам таъминлайди. Қорин мушаклари учун қилинадиган ҳар қандай машқ фойдали бўлади, уларни ҳар куни бажаришга ҳаракат қилинг.Манба: Trendymen
Изоҳ (0)