Айни пайтда Ўзбекистонда бўлган Индонезия президентининг дин ишлари бўйича маслаҳатчиси доктор Насриддин Умар бошчилигидаги делегация 3 декабрь куни Самарқанд шаҳрига борди, деб хабар беради Ўзбекистон мусулмонлари идораси матбуот хизмати.
Шу куни делегация ва Самарқанд вилояти масъуллари ўртасида зиёрат туризмини йўлга қўйиш ҳамда ривожлантириш бўйича музокаралар ташкил этилди.
Музокарада Самарқанд вилояти ҳокимининг туризмни ривожлантириш масалалари бўйича ўринбосари Мунис Восеев ҳамда Самарқанд вилояти бош имом-хатиби Зайниддин Эшонқулов иштирок этди.
Доктор Насриддин Умар Индонезиядаги 900 минг масжидни назорат қилувчи «Истиқлол» масжиди имом-хатиби бўлиб, мазкур масжид имом-хатиби бир вақтнинг ўзида Индонезия президентининг дин ишлари бўйича маслаҳатчиси ҳисобланади.
Музокара давомида Насриддин Умарга Индонезия туризм вазирининг турмуш ўртоғи ҳамроҳлик қилди.
Изоҳ (0)