Тошкент шаҳар ИИББ ходимлари томонидан ўтказилган «Тозалаш-Антитеррор» тадбири давомида 2017 йилнинг 30 ноябрь куни муқаддам судланган Михаил Коголев ва Рустам Сибатуллин (исм-шарифлар шартли) Чилонзор тумани ҳудудида фуқаро хонадонига кириб, 5120000 сўмлик мол-мулкини ўғирлагани аниқланган. Бу ҳақда ИИББ мабуот хизмати маълум қилди.
Мазкур ҳолат юзасидан Чилонзор тумани ИИБ ҳузуридаги Тергов бўлими томонидан ЖКнинг 169-моддаси 2-қисми «в», «г» бандлари (ўғрилик, яъни бир гуруҳ шахслар томонидан олдиндан тил бириктириб, уй-жойга ғайриқонуний равишда кириб, ўзганинг мол-мулкини яширин равишда талон-торож қилиш) аломатлари билан жиноят иш қўзғатилган.
Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда.
Изоҳ (0)