Европа Лигасида ҳам Чемпионлар Лигасида бўлгани каби 2-тур беллашувларига якун ясалди.
Сўнгги мавсум «Манчестер Юнайтед» мусобақа ғолиблигини қўлга киритиб, Чемпионлар Лигасига йўлланма ютиб олганди. Бу мавсум «Арсенал» бош соврин учун жиддий киришган. Илк турда Германиянинг «Кёльн» клубини 3:1 ҳисобида таслим қилган лондонликлар, бу сафар Беларусда 4 та гол уришга муваффақ бўлди.
Европа Лигаси «H» гуруҳи. 2-тур 28 сентябрь, пайшанба
«БАТЭ» — «Арсенал» 2:4
Голлар: Тео Уолкотт, 9 (0:1). Тео Уолкотт, 22 (0:2). Холдинг, 25 (0:3). Иванич, 28 (1:3). Оливье Жиру, 49-пен (1:4). Гордейчук, 67 (2:4).
«Милан» эса ўз иродасини кўрсатди. Монтелла жамоаси А серияда аллақачон 2 та мағлубиятга учраган бўлса-да, Европа Лигасида қоқилишни истамади. 90-дақиқада ўз дарвозасидан гол ўтказиб юборган клуб, орадан 4 дақиқа ўтиб ғалаба голини барибир ура олди.
Европа Лигаси «D» гуруҳи. 2-тур 28 сентябрь, пайшанба
«Милан» — «Риека» 3:2
Голлар: Андре Силва, 14 (1:0). Мусаккьо, 53 (2:0). Акости, 84 (2:1). Элез, 90-пен (2:2). Кутроне, 90+4 (3:2).
Уэйн Руни ҳаракат қиладиган «Эвертон» Европа Лигасига жиддий эътибор қаратмаётганини кўрсатиб улгурди. Дастлабки турни Италияда ўтказиб, йирик мағлубият қабул қилиб олган ливерпуллик футболчилар, энди ўз уйида ҳам ғолиб чиқа олмади.
Европа Лигаси «E» гуруҳи. 2-тур 28 сентябрь, пайшанба
«Эвертон» — «Аполлон» 2:2
Голлар: Корпа, 12 (0:1). Уэйн Руни, 21 (1:1). Влашич, 66 (2:1). Юсте, 88 (2:2).«Лион» — «Аталанта» 1:1
Голлар: Траоре, 45 (1:0). Гомес, 57 (1:1).
Питернинг «Зенит» клуби ҳам турнирга жиддий киришди. Роберто Манчини шогирдлари Испания Ла Лигасида мавсумни қониқарли бошлаган «Реал Сосьедад» устидан зафар қучишга муваффақ бўлди — 3:1.
Европа Лигаси «Л» гуруҳи. 2-тур 28 сентябрь, пайшанба
«Зенит» — «Реал Сосьедад» 3:1
Голлар: Ригони, 5 (1:0). Кокорин, 24 (2:0). Льоренте, 41 (2:1). Кокорин, 60 (3:1).
Изоҳ (0)