Хитой Ташқи ишлар вазирлиги расмий вакили Лу Кан Пекин Пхеньянга иқтисодий таъсир кўрсатиш учун Вашингтондан 100 кунлик муддат сўраганлиги ҳақидаги хабарни рад этди. Бу ҳақда 24 май, чоршанба куни Sputnik International хабар бермоқда.
«Бу маълумот ҳақиқатга тўғри келмайди», — дея таъкидлади дипломат.
22 май, душанба куни Япониянинг «Асахи» газетаси Америка етакчиси Дональд Трамп ва ХХР раиси Си Цзиньпиннинг апрель ойидаги учрашувида гап юз кунлик муддат ҳақида борганлигини маълум қилган эди.
Вашингтон Пхеньянга нисбатан янада кескинроқ санкциялар жорий этишни талаб қилмоқда. КХДР ташқи савдо айланмасининг 90 фоизи Хитойга тўғри келади. АҚШ Шимолий Кореяга алоқадор Хитой корхоналари билан ҳамкорликни тугатиш билан таҳдид қилган. Бунга жавобан Пекин гўёки КХДР ҳукуматига таъсир кўрсатиш учун юз кунлик муддат сўраган.
Изоҳ (0)