Манчестердаги теракт ижрочиси — 22 ёшли Салмон Обидийнинг отаси ўғли ушбу жиноятга алоқадорлигига ишонмаслигини билдирди. Бу ҳақда, AP’га асосланиб, «ТАСС» хабар бермоқда.
Унинг сўзларига қараганда, Салмон билан ҳужумдан беш кун олдин телефонда гаплашган, ва ўғли сокин овозда у билан суҳбат қурган. Айтилишича, Салмон Саудия Арабистонига, сўнгра Ливияга боришни режалаштирган, у ерда Рамазон ойини ўтказишини отасига айтган.
Бир ярим ой муқаддам Салмон Ливияда, ота-онасининг ёнида бўлган.
«Биз айбсизларнинг ўлимини хоҳламаймиз, бу бизга хос эмас», — террорчиликда айбланаётган йигитнинг отаси Рамазон Обидий.
У ўғли Салмоннинг терактга алоқадорлигини инкор қилди, шу билан бирга, 23 ёшли ўғли Исмоил ҳибсга олинганини тасдиқлади.
Охирги маълумотларга қараганда, теракт оқибатида 22 киши ҳалок бўлган, 120 киши жароҳатланган. Уч киши терактда иштирок этишда гумонланиб ҳибсга олинган.