Март ойининг сўнгги дам олиш кунлари (25—26 март) Исландия миллий шифохонасида дунёга келаётганларнинг ноодатий катта сони қайд этилди. Бу ҳақда Independent нашрига асосланиб, TJournal хабар бермоқда.
Туғуруқхонанинг навбатчи шифокорларидан бирининг айтишича, мамлакатда туғилишлар сони Исландия терма жамоасининг Евро–2016 мусобақаси нимчорак финалида Англияни 2:1 ҳисобида мағлубиятга учратиб, ўз тарихида биринчи бор Европа чемпионати чорак финалига чиққанига 9 ой тўлганидан кейин кескин кўпайиб кетди.
Исландия терма жамоасининг муваффақиятидан сўнг 2016 йилнинг июль ойида Рейкьявик шаҳрида футболчиларни, турли маълумотларга кўра, 10 мингдан 30 минггача мухлис кутиб олганди.
«Дарё»нинг Telegram’даги расмий канали — @toshqindaryo’га аъзо бўлинг!