Азамат Аҳроров ва Шаҳзода Муҳамедованинг ўзаро муносабатлари туфайли «Асал ойи» режиссёри улар билан ишлашга қийналяпти

Режиссёр Жаҳонгир Аҳмедов бош ролларни Азамат Аҳроров ва Шаҳзода Муҳамедова ижро этаётган «Асал ойи» номли навбатдаги кинокомедияни суратга олмоқда. Режиссёрнинг айтишича, у бош рол ижрочилари Шаҳзода ва Азаматнинг ўзаро муносабатлари яхши эмаслиги туфайли суратга олиш жараёнларида қийналмоқда, деб ёзади «Darakchi.uz».

«Даракчи» мухбири Садоқат Аллаберганова Жаҳонгир Аҳмедовга қуйидаги савол билан мурожаат қилди: «Бош ролларга айнан Шаҳзода Муҳамедова ва Азамат Аҳроровни танлашингизга сабаб — икковининг муносабати айни дамда мухлислар эътиборида бўлгани учунми?».

Икковининг муносабати яхши эмаслигини Мисрга етиб келганимиздагина пайқадим. Ролга эътирозсиз рози бўлишган эди-да. Лекин бир-бирига кўнгил қўйган ошиқлар ролини ижро этишлари жуда мушкул бўляпти, очиғи, қийналяпман. Назаримда, шахсий муносабатларни ишга аралаштирмаслик керак.

Жаҳонгир Аҳмедов, режиссёр

Ёшлар орасида юзага келган «Замонавийлик ва миллийлик қандай бўлиши керак?» деган савол эътиборимни тортди. Фильмда мазкур тафовут аслида қандай ечим топиши, ота-она ва фарзандлар орасидаги муаммолар, чет элларда хор-зор бўлиб юрганлар ва ўткинчи ҳисга алданиб яқинларидан кечаётган баъзи тақдирлар ҳам кўрсатилган.Жаҳонгир Аҳмедов, режиссёр

– Фильмда бош ролларни Шаҳзода Муҳамедова, Азамат Аҳроров ижро этган. Қолаверса, кинокартинада Раъно Ярашева, Саида Раметова, Матёқуб Матчонов, Мурод Ражабов, Муҳаммадисо Абдулхаиров, Дилшод Мирзамуродовни ҳам кўриш мумкин.

– Сценарий 2 ой ёзилган.

– Киносинов 1 ой давом этган. 1 100 та талабгорлар орасидан санъатга алоқаси бўлмаса-да, истеъдодли 4 нафар йигит-қиз танлаб олинган.

– Тайёргарлик жараёни 3 ой давом этган. Суратга олиш ишлари 18 февралдан Мисрнинг Шарм-аш-Шейх шаҳридан бошланган.

– Суратга олинадиган объектлар 21 та.

– Суратга олиш ишлари 10 кун Миср, 4 кун Туркия, 15 кун Тошкентда ўтади.

– Бош қаҳрамон – 2 та.

– Бошқа қаҳрамонлар – 34 та.

– Жами ижодий гуруҳ аъзолари сони – 67 нафар.

Фильм премьераси май ойининг ўрталарига белгиланган.

«Дарё»нинг Telegram’даги расмий канали — @toshqindaryo’га аъзо бўлинг!