Англия Премьер-лигасининг 27-туридан жой олган 7 та учрашув ўз якунига етди.
«Манчестер Юнайтед» футболчилари ўз майдонида «Борнмут»ни мағлуб этиб, ва ниҳоят 5-ўринга кўтарилиб олиши мумкин эди. Бироқ Моуриньо жамоаси «Олд Траффорд»да ўртамиёна клубни 45 дақиқа бир киши кўпроқ ўйнаб туриб ҳам мағлуб эта олмади. Қўшимчасига, Златан Ибраҳимович пенальтидан аниқ фойдалана олмади.
Турнинг марказий ўйини учун «Энфилд» стадионига ташриф буюрган «Арсенал» мезбон «Ливерпуль»га имкониятни бой берди — 1:3. Томонларнинг Лондонда бўлиб ўтган ўйинида ҳам Юрген Клопп шогирдларининг қўли баланд келганди.
Клаудио Раньерини кутилмаганда истеъфога чиқариб юборган «Лестер» кетма-кет иккинчи ўйинда зафар қучди. Кўринишидан футболчилар италиялик мутахассиснинг кетишини кутиб тургандек.
Англия Премьер-лигаси 27-тур 4 март, шанба
«Манчестер Юнайтед» — «Борнмут» 1:1
Голлар: Марко Рохо, 23 (1:0). Жошуа Кинг, 40-пен (1:1).Четлатиш: Эндрю Сурман, 45 (Б).«Вест Бромвич» — «Кристал Пэлас» 0:2
Голлар: Уилфрид Заха, 55 (0:1). Андрос Таунсенд, 84 (0:2).«Лестер» — «Халл Сити» 3:1
Голлар: Камил Гросицки, 14 (0:1). Кристиан Фукс, 27 (1:1). Риёд Маҳрез, 59 (2:1). Том Хаддлстоун, 90-авт (3:1).«Сток Сити» — «Мидлсбро» 2:0
Голлар: Марко Арнаутович, 29 (1:0). Марко Арнаутович, 42 (2:0).«Суонси» — «Бёрнли» 3:2
Голлар: Фернандо Льоренте, 12 (1:0). Андре Грей, 20-пен (1:1). Андре Грей, 61 (1:2). Мартин Ольссон, 69 (2:2). Фернандо Льоренте, 90+2 (3:2).«Уотфорд» — «Саутгемптон» 3:4
Голлар: Трой Дини, 4 (1:0). Душан Тадич, 28 (1:1). Нэтан Редмонд, 45+2 (1:2). Стефано Окака, 80 (2:2). Маноло Габбьядини, 83 (2:3). Нэтан Редмонд, 86 (2:4). Абдулай Дукуре, 90+4 (3:4).«Ливерпуль» — «Арсенал» 3:1
Голлар: Роберто Фирмино, 9 (1:0). Садио Мане, 40 (2:0). Дэнни Уэлбек, 57 (2:1). Жоржиньо Вейналдум, 90+1 (3:1).
Изоҳ (0)