Хитойнинг Линьцан (жануби-ғарбий Юньнань провинцияси) туманида 3 март, жума кунига ўтар кечаси автобуснинг цемент ташувчи машина билан тўқнашуви оқибатида камида ўн киши ҳалок бўлди, 38 киши жабрланди. Бу ҳақда «Синьхуа» агентлиги маълум қилди, деб ёзади «ТАСС».
Барча жабрланганлар йўл-транспорт ҳодисаси юз берган жой яқинидаги тиббиёт муассасасига етказилди. Жабрланганлардан бири шифохона йўлида ҳалок бўлганлиги таъкидланмоқда.
Полиция ҳалок бўлганларнинг шахсини аниқламоқда. Йўл-транспорт ҳодисаси сабаблари аниқланмоқда.