Samsung Electronics компанияси ОАВларда алмаштириб берилган Galaxy Note 7 смартфонлари ёниб кетаётгани ҳақида хабарлар пайдо бўлгач, ушбу қурилмани ишлаб чиқаришни тўхтатди, деб ёзади «ТАСС».
«Рёнхап» агентлиги корпорациядаги манбасига таяниб ёзишича, қарор компания томонидан Жанубий Корея, АҚШ ва Хитойдаги истеъмолчилар хавфсизлиги учун жавоб берувчи муассасалар билан ҳамкорликда қабул қилинган. «Ушбу чоралар Samsung’нинг Galaxy Note 7’ни экспорт учун етказиб берадиган Вьетнамдаги заводига тегишли бўлади», — деди манба.
Эслатиб ўтамиз, 2 сентябрь куни Samsung аккумулятор батареяларида аниқланган муаммолар туфайли, Galaxy Note 7 смартфонлари савдосини тўхтатган ва уларни ялпи тарзда қайтариб олган эди. Натижада компания 1 миллиард долларга яқин зарар кўрди.