Ўзбекистоннинг мева, сабзавот, узум ва полиз экинлари экспорти билан шуғулланувчи корхона ва ташкилотлари учун сотилиши мажбурий бўлган валюта тушуми ҳажми икки баробар камайтирилди. Бу ҳақдаги қарор Ўзбекистон Республикаси Президенти вазифасини бажарувчи Шавкат Мирзиёев томонидан имзоланди, деб ёзади «Газета.uz» «Ўзбекистон» телеканалидаги «Ахборот» дастурига таяниб.
Мева-сабзавот маҳсулотлари экспортини рағбатлантиришга қаратилган ҳужжатга мувофиқ, 20 сентябрдан бошлаб, мева, сабзавот, узум ва полиз экинларини экспорт қилувчи корхоналар ва ташкилотлар, жумладан, микрофирмалар, кичик корхоналар, фермер ва деҳқон хўжаликлари, ташкилий-ҳуқуқий шаклидан қатъи назар, янги озиқ-овқат экспортидан тушадиган валюта тушумининг 25 фоизини сотиши керак. Бунгача ушбу рақам 50 фоизга тенг бўлган.
Шунингдек, ҳужжатда янги узилган, қуритилган ва қайта ишланган мева-сабзавот маҳсулотларини эскпорт учун етказиб бериш камида 30 фоизлик олдиндан тўлов шарти билан амалга оширилиши кўзда тутилган. Қолган қисми учун банкнинг тасдиқланган аккредитиви очилади ёки биринчи синфга тааллуқли хорижий банк кафолати расмийлаштирилади.
Изоҳ (0)