Фото: Ёлғиз қолган гепард боласи кучукча билан дўстлашиб олди

Туғилганидан кейин кўп ўтмай касал бўлиб қолган гепард боласи оиласидан йироқлашиб, одамлар атрофида ўсди. Унинг ҳайвонот дунёсидаги биринчи дўсти — тенгдош-кучукча бўлди, деб хабар бермоқда National Geographic.

Шу йилнинг июнь ойи охирида АҚШнинг табиатни муҳофаза қилиш марказларидан бирида Эммет лақабини олган гепард туғилди, аммо у кўп ўтмай зотилжам касаллигига чалинди. Натижада гепард боласи таваллудидан кейинги дастлабки ойларини инсон назорати остида ўтказди ва уни оиласига қайтариш хавфли эди.

Соғайишда давом этаётган гепард боласи 10 ҳафталигида Коламбусдаги Columbus Zoo and Aquarium ҳайвонот боғига ўтказилди. Эмметни 7 ҳафталик Каллен лақабли кучукча билан таништиришди. Жонзотлар бир зумда дўстлашиб олди ва вақтини биргаликда ўтказмоқда.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.