Транспорт воситалари ишлаб чиқариш бўйича дунёдаги энг илғор компаниялардан бири — Tesla ўз экоқишлоқларини қурмоқда, деб ёзади Main Cream.
Марказий электр тармоғидан тўлиқ алоҳида бўлган, озиқ-овқат ишлаб чиқариш ва чиқиндиларни қайта ишлаш билан ўзи шуғулланадиган колония Нидерландия Қироллигида, Амстердам яқинида қурилмоқда. Келаси йил бошидаёқ коттежли шаҳарча 25 та оилани ўз ичига сиғдира олади.
Манзилгоҳдаги деярли ҳар битта уй шиша каркас билан қопланади, бу уйларнинг иссиқлик изоляциясини яхшилайди ва қишда иситиш харажатларини камайтиради. Шунингдек, натижада қишда ўз ер майдонида мева-сабзавот ўстириш имконияти пайдо бўлади.
Турар-жойларнинг ўзи айлана шаклида бўлиб, ўртасида иссиқхона, автомобилни қувватлантириш станциялари, кичик ферма, балиқли кўл, автомобиль тураргоҳлари, очиқ полизлар ва жамоат ҳудудлари жойлашади.
Лойиҳа билан Американинг ReGen компанияси шуғулланмоқда. Унинг мақсади озиқ-овқат ишлаб чиқаришни замонавий турдаги манзилгоҳларга интеграциялашдан иборат.
ReGen таклиф қилган манзилгоҳ асосини гидропоника ташкил этади: ўсимликлар оддий тупроқ билан бирга махсус контейнерга экилади, у ерда илдиз доимий равишда озуқавий моддалар билан бойитилган махсус сув билан озиқланади.
ReGen компанияси мутахассислари ҳисоб-китобларига кўра, уч кишилик (бир фарзандли) оила учун 639 квадрат метр майдон зарур бўлади. Анъанавий фермерликда эса ушбу рақам 8100 квадрат метрга тенг. Унга уй-жой, боғ, полиз, ҳайвонлар учун ферма ҳамда сув сақлаш ҳудудлари майдони киради.
75—100 кишилик манзилгоҳ учун эса жами 15 450 квадрат метр майдон зарур бўлади.
Изоҳ (0)