Россиянинг Екатеринбург шаҳридаги капалаклар боғида 10 июнь куни Францияда старт оладиган футбол бўйича Европа чемпионати натижаларини Принс ёки Леди Гага номли қурбақалар башорат қилади. Бу ҳақда «ТАСС» хабар бермоқда.
Қурқабани танлаш сўровномаси 11 июнь куни, Россия терма жамоаси Евро–2016 турнирида илк ўйинини ўтказадиган кун якунига етади. Боғ ходимлари сўровнома дуранг билан якунланиб, ҳар икки қурбақа Евро–2016 ўйинлари башоратларини амалга ошириши мумкинлигини инкор этмаяпти.
«Учрашув натижаларини аниқлаш услуби ўрганиб чиқилмоқда. Терма жамоаларнинг пешлавҳаси ўрнатилиши эҳтимолдан холи эмас. Қурбақа қайси пешлавҳа томон сакраса, ўша жамоа ғолиб бўлади», – дея қўшимча қилди боғ вакилларидан бири.
Қайд этилишича, қурбақа башоратни тўғри топса, байрамона кечки овқат берилади.
Изоҳ (0)