Москва вилоятида электричкага чиқишга уринган эркак ҳалок бўлди. Бу ҳақда, Тергов қўмитасининг транспорт бўйича пойтахт бошқармаси маълумотига таяниб, «РБК» хабар берди.
Бошқарманинг аниқлик киритишича, ҳодиса Москва темир йўлининг Курск йўналишидаги «Подольск» станциясида юз берган. Эшиклари ёпилган поездга чиқишга уринган эркак автоматик эшикларнинг ойнасини синдирган. Оқибатда олган тан жароҳатлари туфайли воқеа жойида ҳалок бўлган.
Ҳозирги пайтда ҳодиса жойида тезкор тергов гуруҳи иш олиб бораётганлиги таъкидланмоқда. Улар юз берган ҳодиса сабаб ва вазиятларини аниқламоқда.