Техаслик сенатор Тед Круз Виржинияда 30 апрель, шанба куни бўлиб ўтган республикачилар мажлисида миллиардер Дональд Трампнинг устидан ғалаба қозонди. Бу ҳақда «ТАСС» хабар беради.
Мажлисда Кливлендда (Огайо штати) 18—21 июль кунлари бўлиб ўтадиган республикачилар миллий съездида иштирок этувчи делегатлар сайланди. Ушбу сиёсий форумда ноябрдаги президентлик сайловларида республикачилардан ким расман номзодлик қилиши ҳал этилади. Ғалаба учун сиёсатчи 1 237 делегатнинг овозини тўплаши керак.
Виржинияга айнан кимнинг бориши партия ичидаги бир неча босқичли маслаҳатлашувлардан сўнг ҳал этилади. Ушбу жараённинг босқичларидан бири 30 апрель куни якунланди. Натижалар бўйича 13 нафар делегат сайланди. Улардан ўн нафари Крузни, уч нафари эса Трампни қўллаб-қувватламоқда.
Изоҳ (0)