Россия ва Зимбабве Ғарб мамлакатлари томонидан уларга нисбатан қўлланилган санкцияларни қоралайди ва улар тўлиқ бекор қилинишини ёқлаб чиқади. Бу ҳақда Россия-Зимбабве ҳукуматлараро комиссияси раисдоши, Россия саноат ва савдо вазири Денис Мантуров ва Зимбабве ташқи ишлар вазири Симбараше Мумбенгегвига таяниб, «Ведомости» хабар бермоқда.
«Ҳозир мамлакатларимизнинг иккаласи ҳам АҚШ ва Евроиттифоқ санкциялари остида, — деди Мумбенгегви. — Биз адолатсиз санкциялар тўлиқ бекор қилиниши тарафдоримиз».
Зимбабве ташқи ишлар вазири Россияга 2008 йилда уни қўллаб-қувватлагани учун миннатдорлик билдирди. Ўшанда Россия ва Хитой БМТ Хавфсизлик Кенгашида Зимбабве билан қурол-яроғ савдосига эмбарго қўйилиши, Зимбабве президенти ва мамлакатнинг бош амалдорлари хорижга чиқишини тақиқлаш, шунингдек, уларнинг чет эл банкларидаги ҳисобларини музлатиб қўйишни назарда тутувчи резолюцияга вето қўйган эди.
Изоҳ (0)