Texaslik senator Ted Kruz Virjiniyada 30-aprel, shanba kuni bo‘lib o‘tgan respublikachilar majlisida milliarder Donald Trampning ustidan g‘alaba qozondi. Bu haqda “TASS” xabar beradi.
Majlisda Klivlendda (Ogayo shtati) 18—21-iyul kunlari bo‘lib o‘tadigan respublikachilar milliy syezdida ishtirok etuvchi delegatlar saylandi. Ushbu siyosiy forumda noyabrdagi prezidentlik saylovlarida respublikachilardan kim rasman nomzodlik qilishi hal etiladi. G‘alaba uchun siyosatchi 1 237 delegatning ovozini to‘plashi kerak.
Virjiniyaga aynan kimning borishi partiya ichidagi bir necha bosqichli maslahatlashuvlardan so‘ng hal etiladi. Ushbu jarayonning bosqichlaridan biri 30-aprel kuni yakunlandi. Natijalar bo‘yicha 13 nafar delegat saylandi. Ulardan o‘n nafari Kruzni, uch nafari esa Trampni qo‘llab-quvvatlamoqda.
Izoh (0)