«Барселона» жамоаси ҳужумчиси Лионель Месси Испания чемпионати 31-турида, принципиал рақиб ҳисобланган Мадриднинг «Реал» клубига қарши баҳсда фаолиятидаги 500-голини киритиш истаги бор эканлигини билдирди. Профессионал футболчилик фаолияти давомида аргентиналик ҳужумчи 499 та гол киритган, деб хабар бермоқда «Чемпионат».
«Фаолиятимдаги 500-голни ‘Реал’ дарвозасига киритсам яхши бўларди. Лекин бўлажак ўйинда ғалаба қозонсак, унданда яхши», – дейди аргентиналик футболчи.
«Барселона» ва «Реал» ўртасидаги учрашув 2 апрель, шанба куни, Тошкент вақти билан 23:30 да бошланиши кўзда тутилган.
Эслатиб ўтамиз, биринчи даврада «Барселона» клуби «Сантьяго Бернабеу» стадионида «Реал»ни 4:0 ҳисобида мағлубиятга учратган эди.
Изоҳ (0)