Назаримизда, Ер — улкан, унда истиқомат қилаётган инсонлар эса жуда митти. Бироқ коинотнинг қолган қисми билан таққослаганда-чи? BigPicture томонидан тайёрланган фотогалерея Ерни узоқдан томоша қилиш имконини беради.
Cassini фазовий қурилмаси ёрдамида 2013 йилда олинган бу суратда 1,4 миллиард километр узоқликдаги Ер алоҳида ажратиб кўрсатилган.
Бу суратда Шимолий Америка билан Юпитердаги Катта қизил доғ ҳажмини таққослаш мумкин. Кўриниб турибдики, Юпитердаги улкан бўрон Ердаги материкни бутунлай ютиб юбориши мумкин.
Сатурннинг ҳалқалари жуда чиройли, бироқ у Ердан кўра Сатурннинг ўзида мафтункорроқ кўринади.
Сатурннинг ҳалқалари шу қадар каттаки, унга ўлчамлари Ерники каби бўлган олти сайёрани сиғдириш мумкин.
Марс инсоният учун иккинчи уй бўлиши мумкин, бироқ у Ернинг ярмидан бироз каттароқ, холос. Масалан, Шимолий Америка Марснинг ярим шарларидан бирига зўрға сиғади.
Марсда жойлашган Олимп — Қуёш тизимидаги энг баланд вулқонли тоғ. Агар у Ерда бўлганида эди, АҚШдаги Аризона штати ўрнини тўла қопларди.
Юпитернинг Ойларидан бири — Ио Қуёш тизимидаги энг фаол геологик объект ҳисобланади: унинг сатҳида 400 дан ортиқ ҳаракатдаги вулқон мавжуд. Таққослаш учун, Шимолий Америкадаги фаол вулқонлар сони атиги 100 та.
Юпитернинг йўлдошларидан бири — Европанинг ўлчамлари Ердан тўрт баробар кичик, бироқ, олимларнинг фикрича, унда Ернинг барча океанларини қўшиб ҳисоблагандан-да кўпроқ сув бор.
Қуёш тизими умумий оғирлигининг 99,86 фоизи Қуёшнинг ҳиссасига тўғри келади. У шу қадар каттаки, унинг ичига 1,3 миллионта Ер сайёрасини сиғдириш мумкин.
Лекин у жонажон галактикамиз — Сомон йўли каби катта эмас. Галактика жанубига қаранг, у ерда «SUN» деб ёзилган кичик доғ бор — ана шу бизнинг Қуёш тизими бўлади, у галактикадаги бошқа 100 миллиард юлдузлар билан бирга яшайди.
Ланиакея номли галактикаларнинг улкан тўдасидаги бу қизил нуқта эса бизнинг галактикамиз қаерда жойлашгани ҳақида ахборот бермоқда.
Изоҳ (0)