Nazarimizda, Yer — ulkan, unda istiqomat qilayotgan insonlar esa juda mitti. Biroq koinotning qolgan qismi bilan taqqoslaganda-chi? BigPicture tomonidan tayyorlangan fotogalereya Yerni uzoqdan tomosha qilish imkonini beradi.
Cassini fazoviy qurilmasi yordamida 2013-yilda olingan bu suratda 1,4 milliard kilometr uzoqlikdagi Yer alohida ajratib ko‘rsatilgan.
Bu suratda Shimoliy Amerika bilan Yupiterdagi Katta qizil dog‘ hajmini taqqoslash mumkin. Ko‘rinib turibdiki, Yupiterdagi ulkan bo‘ron Yerdagi materikni butunlay yutib yuborishi mumkin.
Saturnning halqalari juda chiroyli, biroq u Yerdan ko‘ra Saturnning o‘zida maftunkorroq ko‘rinadi.
Saturnning halqalari shu qadar kattaki, unga o‘lchamlari Yerniki kabi bo‘lgan olti sayyorani sig‘dirish mumkin.
Mars insoniyat uchun ikkinchi uy bo‘lishi mumkin, biroq u Yerning yarmidan biroz kattaroq, xolos. Masalan, Shimoliy Amerika Marsning yarim sharlaridan biriga zo‘rg‘a sig‘adi.
Marsda joylashgan Olimp — Quyosh tizimidagi eng baland vulqonli tog‘. Agar u Yerda bo‘lganida edi, AQShdagi Arizona shtati o‘rnini to‘la qoplardi.
Yupiterning Oylaridan biri — Io Quyosh tizimidagi eng faol geologik obyekt hisoblanadi: uning sathida 400 dan ortiq harakatdagi vulqon mavjud. Taqqoslash uchun, Shimoliy Amerikadagi faol vulqonlar soni atigi 100 ta.
Yupiterning yo‘ldoshlaridan biri — Yevropaning o‘lchamlari Yerdan to‘rt barobar kichik, biroq, olimlarning fikricha, unda Yerning barcha okeanlarini qo‘shib hisoblagandan-da ko‘proq suv bor.
Quyosh tizimi umumiy og‘irligining 99,86 foizi Quyoshning hissasiga to‘g‘ri keladi. U shu qadar kattaki, uning ichiga 1,3 millionta Yer sayyorasini sig‘dirish mumkin.
Lekin u jonajon galaktikamiz — Somon yo‘li kabi katta emas. Galaktika janubiga qarang, u yerda “SUN” deb yozilgan kichik dog‘ bor — ana shu bizning Quyosh tizimi bo‘ladi, u galaktikadagi boshqa 100 milliard yulduzlar bilan birga yashaydi.
Laniakeya nomli galaktikalarning ulkan to‘dasidagi bu qizil nuqta esa bizning galaktikamiz qayerda joylashgani haqida axborot bermoqda.
Izoh (0)