Россиянинг Владивосток шаҳридан Петропавловск-Камчатский шаҳрига парвоз қилаётган самолётда бўлган маст йўловчи лайнерни портлатиб юбориш билан таҳдид қилди. Бу ҳақда «Интерфакс» хабар қилмоқда.
Хавфсизлик хизматининг маълум қилишича, самолёт Петропавловск-Камчатскийда ерга қўнгандан кейин, ҳаво кемаси узоқроқ жойга олиб борилиб, бузғунчи бортга чиққан полициячилар қўлига топширилди.
Таъкидланишича, самолёт йўловчиларнинг қўл ва багаж юклари текширилган, лекин портловчи мослама топилмаган. Ҳодиса аэропортнинг кундалик ишига таъсир қилмади ва рейсларнинг тўхтатилишига олб келмади.