Россия самолёти бортида амалга оширилган теракт Миср сайёҳлик соҳасига жиддий зарба бўлиб тушди. «Араб баҳори» сабаб йилига 15 миллиондан 9 миллионгача тушиб кетган сайёҳлар сони янада камайиб кетди: Мисрга рейсларни, хусусан, British Airways ва EasyJet бекор қилди, ўн минглаб россиялик сайёҳлар Синай яриморолидаги курортлардан эвакуация қилинди.
Фотосуратчилар Андреа ва Магда бир неча ойни Мисрнинг курорт минтақасида ўтказиб, саёҳатчилар оқими қандай тиниб қолганини фотоларга ҳужжатлаштирди. Антрополог Марк Оже Миср курортларини маҳаллий ҳаётдан ажратиб қўйилган «сунъий олам» деб атади.
Фотосуратчиларнинг объективларига кимсасиз савдо марказлари ва пляжлар, қаровсиз туялар ҳамда томошабинлар ва мижозлар бўлмаса-да, ўзи ишини давом эттираётган маҳаллий аҳоли тушган. Оригинал фотосуратларни 17 январга қадар Париждаги «Европа фотосуратлар уйи»даги кўргазмада томоша қилиш мумкин, деб ёзади TJournal.
Айни вақтда, Миср сайёҳлик соҳасидаги вазиятни умидсиз, деб бўлмайди: 30 ноябрь куни Буюк Британия ва Миср британиялик сайёҳларни Шарм-аш-Шайх курортларига элтиш бўйича биргаликдаги тайёргарликни якунлагани маълум бўлди.Сохта Сфинкс соясидаги фаррош, Arabian Nights томошалари ўтказиладиган бўм-бўш саҳна
Уйсиз туя овқат излаяпти. Сайёҳлар кўнгилхушлиги учун фойдаланилган аксарият жониворлар ўз ҳолига ташлаб қўйилган
Шармдаги Novotel меҳмонхонасига киришдаги қўриқлаш пункти
Режа бўйича, итальян меъморчилигини ёдга солиши керак бўлган кимсасиз савдо маркази
Шарм-аш-Шайхдаги кўплаб меҳмонхоналар ва уларнинг ходимлари учун мўлжалланган турар-жойлар қурилиши якунига етмаган
Табадаги қурилиши охирига етмаган соҳилбўйи курорти
Жамоатчилик учун ёпиқ ҳисобланган Шарм-аш-Шайхдаги ботаника боғи ходимлари
Ҳувиллаб қолган пляж
Аксарият меҳмонхоналар умумий гольф майдонларига хизмат кўрсатиш бўйича саъй-ҳаракатларини бирлаштирмоқда, аввал фойдаланилган гольф майдонлари эса қаровсиз қолиб, саҳрога айланмоқда
Аниматорлар томошабинлар бўлмаса-да, шоу намойиш этмоқда
Март ойида ташкил этилган халқаро инвестиция форуми арафасида кўплаб йўллар таъмирланган эди
Деярли бутун соҳилни сайёҳлик инфратузилмаси объектлари эгаллаган
Изоҳ (0)