Airbnb
2007 йилда сан-францисколик Брайан Чески ва Жо Геббия бизнес бошламоқчи бўлди, бироқ уларнинг ижара ҳақини тўлашга ҳам пули йўқ эди. Шаҳарда дизайн бўйича конференция бўлиб ўтиши керак эди, шу туфайли йигитлар ўз ижара уйининг юқори қаватини меҳмонхоналарда хона етишмай қолган конференция иштирокчиларига арзон нархда ижарага беришга қарор қилди.
Улар квартирани суратга тушириб, расмларни оддий сайтга жойлади, тез орада уч нафар мижоз топилди ва конференция бўлиб ўтган вақт давомида ижарада туриб, пулини тўлади.
MVP-консьерж ва меҳмонлар билан мулоқот Брайан ва Жога мақсадли бозор бўйича гипотезаларни тасдиқлаш, мақсадли аудиторияни аниқлаш ва ғоянинг яшовчанлигини тасдиқлаш имконини берди. Улар бегона уйда яшаш учун пул тўлашга тайёр кишилар фақат талабалар эмаслигини тушунди.
Натижада икки сан-францисколик Airbnb — қисқа муддатли ижара учун қидирув ва реклама жойлаш учун майдонга асос солди.
iTunes уларнинг ечимини бозордан сиқиб чиқаргач, Odeo платформаси жамоаси янги маҳсулотни ўйлаб кўра бошлади, ғоялардан бири twttr деган кодли номга эга микроблог юритиш учун мўлжалланган майдонча эди.
Биринчи прототип Odeo ходимлари учун ички сервис сифатида қўлланилди, улар ушбу сервисдан фаол равишда фойдаланди. Бу жамоани платфомани омма учун очиқ қилишга ундади, бироқ Twitter’нинг фойдаланувчилар базаси у 2007 йилда SXSW конференциясида тақдим этилгачгина шиддат билан ўса бошлади.
Кўриб турганингиздек, минимал яшовчан маҳсулотни ишлаб чиқиш тамойиллари етакчи дунё корпорациялари учун ҳам, ўз ғоясининг инқилобий эканлигига ишонган тадбиркор учун ҳам бир хилдир.
Давоми бор…
Мақолани тайёрлашда қуйидаги манбадан фойдаланилди: http://leanstartuprussia.ru/
Лойиҳа «Дарё» ва StartupFactory.uz томонидан ишга туширилган.
Изоҳ (0)