Бугун,

  • USD 11095.31
  • RUB 173.84
  • EUR 10772.44

Тошкент шаҳридаги Усмон Носир ва Бобур кўчалари кесишган чорраҳада 14 февраль куни тахминан эрталабки 5:40 да Nexia ва Matiz автомобиллари тўқнашиб кетди. Бу ҳақда Facebook’даги «Водители Ташкента» гуруҳига хабар қолдирган Matiz ҳайдовчиси фойдаланувчилардан ушбу ҳодисага гувоҳларни топишда ёрдам сўраган.

Фото: Facebook / «Водители Ташкента»

Фото: Facebook / «Водители Ташкента»

Matiz ҳайдовчисининг сўзларига кўра, у асосий йўл бўйлаб светофорнинг яшил чироғида келаётган вақтда Nexia унинг чап орқа томонига келиб урилган. Шундан кейин Matiz ағдарилиб, уч марта айланиб кетган. Автомобиль ичида бўлган ҳайдовчи ва бир нафар йўловчи аёл омон қолган. Фойдаланувчилардан бири воқеа жойида Matiz’ни ағдарилган ҳолда, Nexia’ни ҳам кўча ўртасида зарар етган ҳолда кўрганини ёзган. Гуруҳнинг бир аъзоси Nexia’ни, яна бири Matiz’ни эвакуаторда олиб кетишаётганига гувоҳ бўлганини маълум қилган.

Фото: Facebook / «Водители Ташкента»

Фото: Facebook / «Водители Ташкента»

Фойдаланувчилар ушбу ҳодисада айбдор кимлиги ҳақида турли тахминлар билдирган. Жумладан, агар чорраҳадаги иккала светофор ҳам яшил чироқни кўрсатган бўлса, чорраҳага кейин кирган автомобиль ҳайдовчиси айбдор бўлиши таъкидланган. Matiz ҳайдовчисининг таъкидлашича, дастлаб чорраҳада унга бир Nexia йўл берган, бироқ шу заҳоти бошқа Nexia пайдо бўлиб, уни уриб юборган.

Фото: Facebook / «Водители Ташкента»

Фото: Facebook / «Водители Ташкента»

Суратларга изоҳ билдирганларнинг аксарияти бундай ҳолатдан омон чиқиш мумкинлигидан ҳайратларини яширмаган. Шунингдек, Matiz ҳайдовчисига бу ҳолатда қандай йўл тутиш лозимлиги бўйича маслаҳатлар ҳам берилган.

Изоҳ
Асосий янгиликлар
Маҳаллий
Ўзбекистонда доллар курси яна тушди 
Дунё
Озарбайжон ўз фуқароларини Эронга бормасликка чақирди
Иқтисодиёт
Ўзбек сўми 2022 йилда долларга нисбатан 3,9 фоизга қадрсизланди. Миллий валютанинг алмашув курси қандай ўзгарди?