Samsung янги Galaxy S6 смартфонини январь ойида тақдим этиши мумкин

Жанубий Корея нашрларининг маълумотига кўра Samsung компанияси янги Galaxy S6 смартфонини январь ойида тақдим этиши мумкин. Бу ҳақда Phonearena.com сайти хабар берди, деб ёзади «Пароль» нашри.

Маълумотларга кўра, компания флагман смартфони Galaxy S5’ни яхши сота олмаган ва шу боис унинг давомчиси дея аталаётган Galaxy S6 смартфонини кутилган муддатдан аввалроқ тақдим этишни режалаштирмоқда.

Янги Samsung Galaxy S6 смартфонида Snapdragon 810 ёки Exynos 7 Octa процессори, Quad HD дисплейи ўрнатилиши тахмин қилинмоқда. Шу билан бирга янги Samsung смартфонлари Galaxy Alpha, Note 4 ва Galaxy A линейкасидаги гаджетлар каби ярим-металл корпусли бўлиши мумкин.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2014 йилнинг энг яхши мобил ўйинлари рейтинги эълон қилинди;
• Samsung компанияси учта дисплейли Galaxy S6 смартфонини тақдим этиши кутилмоқда;
• LG компанияси 2015 йилда янги авлод телевизорларини тақдим этади ва сота бошлайди.