АҚШнинг Иммиграцион тадқиқотлар маркази мутахассислари мамлакат аҳолисининг бешдан бир қисми инглиз тили бўйича таянч билимларга ҳам эга эмаслигини аниқлади, деб хабар бермоқда ТАСС.
Марказ томонидан The Washington Post газетасида чоп этилган ҳисоботда ёзилишича, инглиз тилида сўзлашишни умуман билмайдиганлар ёки ёмон сўзлашадиганларнинг аксарият қисмини мексикаликлар, пуэрто-риколиклар ва хитойликлар ташкил этади. 30 йил олдин АҚШ аҳолисининг 10 фоизи инглиз тилини билмаган, бироқ сўнгги йилларда иммиграция билан боғлиқ вазиятнинг ўзгариши бу кўрсаткичнинг ошишига сабаб бўлган.
Тадқиқотчиларнинг маълумотларига кўра, Колумбия федерал округида 20 фоиз, Мэриленд штатида 17 фоиз, Виржинияда 15 фоиз, Невадада 33 % ва Техасда 35 % аҳоли инглиз тилида сўзлашмайди. АҚШда яшаб, фақат ўз она тилида сўзлашадиган хорижликлар сонининг ошиши Марказий Америка давлатларидан болаларнинг ноқонуний иммиграцияси кўпайгани билан боғлиқлиги айтилган.
Изоҳ (0)