“Haj-2024” dasturi doirasida Uzbekistan Airways aviakompaniyasining Toshkent—Madina yo‘nalishidagi birinchi aviaqatnovi Toshkent vaqti bilan soat 01:40 da jo‘nab ketdi. Bu haqda aviakompaniya matbuot xizmati xabar berdi.
![](/static/2024/Fozilbek/photo_2024-05-22_23-31-59.jpg)
O‘zbekiston shaharlaridan Madina shahriga jami 124 ta charter aviaqatnovi amalga oshiriladi.
O‘zbekistonda haj mavsumi 2024-yil 23-maydan boshlandi. Respublikadan Saudiya Arabistoniga 7-iyunga qadar har kuni aviaqatnovlar amalga oshiriladi. O‘zbekiston fuqarolari uchun umumiy haj kvotasi 15 ming nafar etib belgilandi.
![](/static/2024/Fozilbek/photo_2024-05-22_23-32-01.jpg)
Respublika aeroportlarida ro‘yxatdan o‘tish vaqtida yo‘lovchilar issiq nonushta bilan ta’minlanadi. Parvoz davomida esa O‘zbekiston Musulmonlari idorasi talablarini inobatga olgan holda tayyorlangan maxsus taomlar tarqatiladi.