“Kapitalbank” O‘zbekiston to‘lov xizmatlari bozorida so‘zsiz yetakchi ekanligini tasdiqladi va yana bir marotaba Visa Awards 2024 milliy taqdirlash marosimida mukofotlari soni bo‘yicha rekord miqdordagi mukofot sohibiga aylandi. Esdalik haykalchalarini Visa kompaniyasining katta vitse-prezidenti Kristina Dorosh topshirdi.
Shunday qilib, 2024-yilda “Kapitalbank” yana “Visa kartalarining eng yaxshi emitent banki”(Bank Issuer) nominatsiyasida bosh sovrinni qo‘lga kiritdi. Bu orqali mamlakatda Visa kartalari aylanmasi bo'yicha eng katta hajmga ega bo'lgan bank sifatidagi maqomini tasdiqladi. E’tiborlisi shundaki, bank korporativ kartalar bo'yicha ham xuddi shunday maqomga erishdi. (Best Visa Business Issuer)
“Kapitalbank”ning yakunlanib borayotgan yildagi alohida faxri “Premium kartalarni chiqaradigan eng yaxshi bank” nominatsiyasi bo‘yicha mukofoti bo‘ldi. G‘oliblik Kapital Premium va Kapital Privilege innovatsion mahsulot va xizmatlar qatori va yana bir bor premial Visa kartalarining eng katta hajmdagi aylanmasi uchun berildi.
Bundan tashqari, Kapitalbank ikki karra jismoniy shaxslarning kartalari o‘rtasida ham, korporativ va jismoniy shaxslar o‘rtasidagi o'tkazmalar bo'yicha ham “Visa Direct tizimi orqali pul o‘tkazmalari bo‘yicha yetakchi” deb topildi. Tizim Visa kartalari o‘rtasida, shu jumladan O‘zbekistondan tashqarida ham tez va xavfsiz pul o‘tkazmalarini taʼminlaydi.
Ta'kidlash joizki, “Kapitalbank” 2021-yildan buyon O‘zbekiston banklari o‘rtasida har yili eng ko‘p va eng nufuzli nominatsiyalar bo‘yicha Visa mukofotlari sovrindori bo‘lib kelmoqda. Shuningdek, “Kapitalbank” “Visa risklarni boshqarish tizimini muvaffaqiyatli joriy etgani” uchun taqdirlandi. Bu orqali bank operatsiyalari xavfsizligi va mijozlarni firibgarlikdan himoya qilish darajalari qayd etildi.
Reklama huquqi asosida.
Izoh (0)